పెళ్ళా....మ్మా


అమ్మా.....?

నీ కష్టాన్ని,బాధ్యతను, నాకు తరతరాల
ఆస్తిగా,ఆభరణముగా  ఇచ్చావా
నా బుజ్జి హృదయాన్ని తట్టి చెప్పావే

బుజ్జి....!

నా బరువు బాధ్యత నీవేననీ
నేను చేసిన పాపమేంటి....?
నేను పుడుతూ  ఏడ్చాను
జీవిస్తూ ఏడుపే
మరణిస్తూ దుఃఖమే

ఎదమ్మా....సుఖం,
బ్రహ్మ మరిచాడా...విధిరాత కాకపోయినా
తల రాతను మార్చుతావని ఆశ పడ్డ
ఆశ ఆవిరై, ఆకాశాన్ని అంట లేదు
భూమిని చేరలేదు

మధ్యలో నీవు రాసిన రాతకు
విలవిలాడాను
అమ్మా....పెళ్లి చేసుకున్నావు బిడ్డను కన్నావు
ఏమి సౌఖ్యం దొరికింది... తల్లి...
జీవితం మారిందా
ఆడ తనపు భావాలు మారాయా
బెదిరింపులు మారాయా...

కష్టాల ఊబిలో నన్ను నెట్టావు
నీవేమి సుఖ పడ్డావు...మాతా..?!

నేను ఎవరికి బరువు
నీకా...సమాజానికా...భూమికా..
చెప్పవే తల్లీ... చెప్పు...

పెళ్లి చేసుకోకపోతే
ఆడ జన్మ మారుతుందామ్మా
అమ్మ తరువాత అమ్మ ,అమ్మమ్మా
ఇదేనా అమ్మా... ఆడ జన్మ..అమ్మరాత
ఆడ జన్మ వాత..

నీ బ్రతుకు శున్య మాసం..
నా బ్రతుకు అమావాస్య  కాళరాత్రి..
ఇవే మన కాళరాత్రి మహమ్మారి
ఆడ జీవితాలు.


డా.మున్నంగి. రాజకుమారి కాకాని
డా.ఆర్.మున్నంగి. ఫౌండేషన్ అధ్యక్షురాలు.

               ప్రకృతి తీరు


తెల్ల మబ్బు తేరు పై
ఇలకు దిగిన చందమామ
ఎర్ర మబ్బు తేరు పై
ఇలకు ఓదిగిన సూర్యభామ
మీ ప్రేమే మా జీవము, లోకం

చందమామ, సూర్యభామ మీరే
మాకు గమనం మీ తోడే మా నేస్తం
భూదేవి ఆకర్షణకు,అనురాగానికి
మేము దాసోహం

మీ గమ్యం వైపు పయనించాలంటే
ఏవేవో....మరమ్మత్తులు జరగాలా...
వాటిని జరుపుకుంటూ మీ దగ్గరకు వస్తే
చందమామ అరచేయి అడ్డుపెడితే
సూర్యభామ మొండి కరముతో మాయ చేస్తే

ఇక మీ దరి చేరలేము
మనసును మభ్యపెట్టి మందలిస్తే గాని...
భూదేవి సువాసనను ఇస్తూ...
చందమామ చల్లని వాసననిస్తూ
సూర్యభామ తన వేడిసెగ వాసనను
ఎద జల్లుతుంటే...
మా జీవితాలు మీ ముగ్గురు సఖ్యత తో
తరించి పోతాయి
మీరు లేకపోతే మాకు మనుగడేది
ప్రకృతమ్మ.


డా.మున్నంగి. రాజకుమారి కాకాని
డా.ఆర్.మున్నంగి. ఫౌండేషన్ అధ్యక్షురాలు

వయసు ప్రభావం


బాల్యమంత బంతి పూల తోట
వనంలో అమ్మ అనేచెట్టుకు
అంటూ కట్టు జీవితం
 5 -–సంవత్సరాల ప్రాయం ప్రమాదకర జీవితం
ఏది మంచి ఏది చెడు తెలియని ప్రాయం
7 -– ఏళ్ళ ప్రాయం ప్రాణభయం
ముద్దు ముద్దు మాటలతో చక్కగా చదివే వయసు
విరబూసిన గులాబి లా
పదుగురి దృష్టి తన మీదే
10 -–వత్సరాల ప్రాయం అమ్మ మంచి, చెడు
 ఈడు  ఎదో చెయ్యాలని బాగా చదవాలని ఆతృత
జోడి పిల్లలతో ఈల నేర్చుకుంటూ
తల్లితండ్రులను ఆశ్చర్యచకితులను చేస్తారు
కొన్ని విద్యలను నేర్చుకొని

12 --వత్సరాల ప్రాయం పనిగట్టుకు పిలుస్తుంది
ప్రకృతి , ఈడు వచ్చిందని
16 --సం ౹౹ ప్రాయం  సమాజంతో సంబంధం లేక
ప్రకృతితో చెలిమి ,ఆరాధికులను ఆహ్వానించుట
చెట్టా పట్టా లేసుకు తిరుగుట,విద్య నిర్లక్ష్యం
దేనినైనా సాదించ గలమనే ధైర్యం

21 -- సం౹౹ రాల ఈడు మానవత్వపు
ఆలోచనలు మది నిండు,మంచి చెడు కష్టం సుఖం తెలిసిన ప్రాయం జంటకు ఆహ్వానం పలుకుతుంది ఎదురు చూపు తో...

25-- సం౹౹ రాలకి భవిష్యత్ ప్రణాళికలు
సంతానానికి తయారు
30-- వత్సరాలకే సంసార సాగరాన్ని
ఈదలేక అతలాకుతలం

40--వత్సరాలకు బ్రతుకు బాధ్యత లతో
సతమతం అవ్వడం
45--వత్సరాల ఈదే బ్రతుకును అర్థవంతంగా ఆలోచించి
మంచి చెడులను బిడ్డలకు చెప్పే వయసు
49--వత్సరాల మంచిని మమతను కలబోసి
గృహాన్ని స్వర్ణసీమ చేస్తూ  వడ్డీ అనే బిడ్డ మమకారాలతో

52--వత్సరాల మీద పడుతున్న వయసు ఛాయలు
వృద్ధాప్యాన్ని ఆహ్వానిస్తున్నా ప్రకృతమ్మ
57-- వత్సరాల పదవి విరమణ
పలకరిస్తుంది  విశ్రాంతిని కోరు అని
60-- వత్సరాల,కాల గమనంలో కలిసిపోయిన
గత  జ్ఞాపకాలను నెమరు వేస్తూ
షష్ఠి పూర్తి ఉత్సవానికి ఆహ్వానం

70--వత్సరాల మానసిక స్థితితో మగ్గిపోవడం
గొడ్డలై నరకడం బ్రతి కుంటామన్న భరోసా లేదు
80--వత్సరాలు  బ్రతి కుంటే  పరమాత్మ  ప్రసాదమే
గతించిన జీవితానికి గమ్మతైన మర్మాల జీవితం
పరమాత్మ లో లీనం.

ఇదే వయసు పిలిచే పలికే జీవితం!
మాయ జీవితం !  మట్టి జీవితం !.


డా.మున్నంగి. రాజకుమారి  కాకాని.
డా.ఆర్.మున్నంగి. ఫౌండేషన్ అధ్యక్షురాలు.

        అమ్మ

కడిగిన ముత్యంలాంటి
కాలానికి ఎదురీత తల్లి

ఆ  జీడి కాయలాంటి కడుపులో
ఆ- అర అరల్లో పోషణ నిచ్చి పెంచింది అమ్మ

కడుపులో ఉన్న నాకు
ఊసులెన్నో చెప్పింది జనని
వాసనలు ఎన్నో చూపింది అమ్మ

వానలో ఎలా ఆడాలో నేర్పింది తల్లి
కష్టానికి ఎలా బాధపడాలో నేర్పింది అమ్మ
సుఖానికి ఎలా సంతోషించాలో తెలిపింది అమ్మ

సూర్యుడి నుండి ఎలా
కాపాడుకోవాలో తెలియజేసింది అమ్మ
చల్లదనంలో ఉల్లాసాన్ని నేర్పింది తల్లి

ఎలా ఏడ్వాలో ఏడ్చి నాకు నేర్పింది అమ్మ
ఎలా నవ్వాలో నవ్వి నాకు నేర్పింది తల్లి

సమాజంలో తెలివిగా ఎలా మెలగాలో
కడుపులోని అంకురార్పణ చేసింది అమ్మ

అమాయకులను ఆదుకోవడం నేర్పింది అమ్మ
సహాయం చేసే గుణాన్ని నేర్పింది తల్లి

పుడమిపై పడేటప్పటికె పూజ చేసింది అమ్మ
ఇదే పుట్టుకకు ముందు నేర్పిన పాఠం
అమ్మ నాకు నేర్పిన గుణపాఠం..


డా మున్నంగి. రాజకుమారి  కాకాని
డా.ఆర్.మున్నంగి. ఫౌండేషన్
అధ్యక్షురాలు.