పెళ్లిళ్లు..

నాడు..

పెళ్లిళ్లు అంటే
ఆడ, మగ,
సిగ్గులు మొగ్గలై

ఆనంద పరవశంలో
కుటుంబాలు ,బంధువులు, స్నేహితులు
పరులు,పామరులు అందరిలో
సంతోషాలు ఝరీ ప్రవాహంలా
వెల్లి విరిసేవి..

ఆ రోజుల్లో ఆడపిల్లకు
నచ్చిన నచ్చకపోయేనా
కాసులిచ్చి కన్యాదానం చేసుకునేవారు

60 యేళ్ళు అయినా,20 యేళ్ళు అయినా
పెద్దలు చెప్పినట్లు ఇష్టమున్న లేకున్నా
 భూదేవంత అరుగు, ఆకాశమంత పందిరి వేసి

పెద్ద పెద్ద మైక్సౌండ్స్ పాటలు
హరికథలు బుర్రకధలు..

వధువును పల్లకిలో
మేళతాళ్లాలతో
రంగ రంగ వైభవంగా
ఆనాటి వెళ్లిళ్ళు ఆసక్తిగా

అటు ఏడు తరాలు, ఇటు ఏడు తరాలు చూసి
ఏడు వారాల నగలతో నాట్యం చేస్తూ
చేయిస్తూ తాళి కట్టి తన దాన్నిగా
చేసుకునేవారు ఆ నాటి వివాహాలలో..

నేటి..

పెళ్లిళ్లు
కట్నాలు, కానుకలు, మేడలు,చదువులు
ఉద్యోగాలు, జీతభత్యాలు, లావాదేవీలు..

అమ్మాయి ఎలా ఉంది అనే దానికంటే
ఎంత కట్న కానుకలు తెచ్చింది
ఎన్ని కోట్లు వెంట తీసుకొచ్చింది
అనేదే గొప్ప

ప్రేమ పెళ్లిళ్లు అయిన డబ్బుతోనే
వ్యవస్థ అంత ముడిపడుతుంది

కుంటివాలైన,గుడ్డివాలైన,
చెవిటివాలైన, చాందసులైన
కాసుకు కాదేదీ అనర్హం
నేటి వివాహా వ్యవస్థ ధోరణి.


డా.మున్నంగి. రాజకుమారి  కాకాని.
డా.ఆర్.మున్నంగి. ఫౌండేషన్
 అధ్యక్షురాలు..!!!