మగాళ్లు..!!
నాడు..
ఒకప్పటి మగాళ్లు
మర్మం ,కర్మము
ఎరుగని వాళ్ళు
ఇతరులకు
సహాయం చేయడమే
తమ లక్ష్యంగా
పెట్టుకునే వాళ్ళు
ఎవరైనా అపదల్లో
ఉంటే మేమున్నాం
అనేవాళ్ళు..
ఎలాంటి ఆంక్షలు
లేకుండా ఎలాంటి
లబ్ది లేకుండా
ఇతరులకు
సహాయ పడే వాళ్ళు
మానవత్వమే
తమ లక్ష్యం గా
బావించేవాళ్ళు
పక్కని వాడి బాధ
తమ బాధగా భావించే
వాళ్ళు
అవసరమను కుంటే
వెన్నంటి ఉండేవాళ్ళు
భుజం తట్టి మేంమున్నాము
అనే వాళ్ళు
పక్కన ఆడపిల్లకు
అన్యాయం జరిగితే
రక్షించడానికి
సిద్ధంగా ఉండేవాళ్ళు
అవసర మనుకుంటే
వంద మందిని
పోగేసేవాళ్ళు
అన్యాయాలు,అక్రమాలు తెలియని మగాళ్లు
యుద్ధానికైనా,
విప్లవానికైనా
ముందుండి
నడిపించేవాళ్ళు
సమాజంలో ఏ వ్యక్తి
బాధ పడకూడదు
చేతనైనంత వరకు
రక్తం చిందించైనా
నా మనుషులకు
మానవత్వంతో
సహాయం చేయాలి
కులాలు మతాలు
పక్కన పెట్టి
ప్రేమ,ఆప్యాయత
మంచి, తనంతో
ఇతరులకు సహాయం
చేస్తే
రేపు భగవంతుడు
నాకు నా కుటుంబానికి
మేలు చేస్తాడు
అని బావించేవాళ్లు
అరమరికలు లేని
అమాయకులు
ఆనాటి మగాళ్లు..
నేడు..
మాగాళ్ళు
మానవత్వం లేని
నికృష్టులు
కామంతో కళ్ళు ముసుకు
పోయినా కబోదులు
మేలు చేసే గుణం 50%
కూడలేనివాళ్ళు
నా మనుషులు
నా కులాలు
నా వర్ణాలు
నా జాతులు అని
స్వార్థం తో తిరగటం
బాధ్యత గా పెట్టుకునేవాళ్ళు
పక్క వాడు చస్తున్నాడు
అంటే..అవునా...అని
హేళన చేసి ...కళ్ళు తెరచి
చూసే రకం నేటి మగాళ్లు
పోకిరి మగాళ్లు
ఈ రోజులలో ఎక్కువగా
ఉన్నారంటే అతిశయోక్తికాదు
బంధాలకు విలువ
లేని రోజులు
అక్రమాలకు
తావున్న రోజులు
అన్యాయాన్నీ
రెచ్చగొట్టే రోజులు
ఏ పని చేయాలి అన్నా
డబ్బు,డబ్బు,డబ్బు
డబ్బుతో ముడిపడిన
జీవితాలు
నేటి మగాళ్లు..!!
డా.మున్నంగి. రాజకుమారి కాకాని
డా.ఆర్.మున్నంగి
ఫౌండేషన్ అధ్యక్షురాలు..!!
No comments:
Post a Comment